China aro Pakistan pora bus service suru koribo

Islamabad, 31 October: Media reports hesab deh, Pakistan aro China majode flagship China-Pakistan Economic Corridor (CPEC) project laga pethor deh notrun bus service suru hobole ase. Etu pora tuita desh laga travel toh sosta hoijabole ase. State-run Radio Pakistan pora khobor janaideya hesab deh, etu bus service toh private transport company pora suru koribole ase aro etu toh November 13 direk pora officially olabole ase. Aro etu bus toh Pakistan laga Lahore aro China laga Kashgar majode operate hobole ase. Tuita desh majode 30-hour journey laga daam toh Rs 13,000 hobole ase aro korai ahhibole laga ticket toh Rs 23,000 hobole ase. Book toh suru howah be hoise koise. News te khobor paa  hesab deh, bus journey toh Lahore pora Saturday, Sunday, Monday aro Tuesday deh jabo aro Tashkurgan pora Tuesday, Wednesday, Thursday aro Friday  deh jabo.