Itanagar, April 03 : Arunachal Pradesh laga Chief Minister Pema Khandu para Bana jaga para tailaga election campaign suru kuridisey, etu tu nutun form kora Bichom district laga ekta hisa asey. Kuntu ke poila te East Kameng district koikina jani thakisey.
Mosom biya huwa laga bawajut bi, etu Chief Minister tu Itanagar para rasta para travel kurisey ekta election rally te bhak lobole nimitey.
Etu rally tu Bharatiya Janata Party (BJP) candidate Mama Natung laga support te rakhisiley, kun Seppa West Assembly Constituency para contetst kuri asey.
Natung, kun ekta shaktishali minister asey, tai para bisi alag alag portfolio jaiseki Sports, Forest, Water Resources Department aro Youth Affairs khan dhurikina thakey.
Khandu para public khan ke Member of Parliament position nimitey ekta appeal kurisey aro Member of Legislative Assembly nimitey Mama Natung ke appeal kurisiley.
Tai para Seppa West Assembly constituency laga development fale Natung laga dangor contribution highlight kurisey.
Khandu para samjhaisey ki BJP nimitey vote kora tu prosperity aro stability nimitey voting kora laga somman asey. Tai para sob manu ke bi utu leader khan ke chunibole encourage kurisey kun khan inclusive growth te committed asey.
Add Comment