Itanagar, April 07 : General Election 2024 laga ageyte kadam utha te, Arunachal Pradesh laga Bharatiya Janata Party (BJP) para 7jun member ke party laga khilaf te ja laga laga kaam kora nimitey party para olaidibole announce kurisey. Kuntu te 3jun Zilla Parishad Chairpersons (ZPCs) aro 4jun Zilla Parishad Members (ZPMs) shamil thakisey.
Olaidiya member khan laga list te etu naam khan asey:
1. Smt. Likha Sangchhore- ZPC, Keyi Panyor & L/Subansiri
2. Shri Nilly Nikha Tabo- ZPM, Pistana
3. Smt. Khoda Dipung- ZPM, Upper Yachuli
4. Smt. Gem Aiti- ZPM, Yazali
5. Ms. Chathong Lowang- ZPC, Tirap
6. Shri Tediap Hallang- ZPM, Bari Bisap
7. Smt. Rinchin Zomba- ZPC, West Kameng
Arunachal Pradesh BJP laga State Disciplinary Action Committee laga State President In-charge cum Chairman, Tarh Tarak para taikhan ke party para olaidiya laga karon janaisey. Tai para koisey ki etu member khan ke party para khusi napa laga kaam kora te shamil thaka paisey, khas kurikina ahibole thaka General Election nimitey officially nominate huwa BJP candidate laga khilaf te.
Party para olaidiboel ageyte etu member khan ke enaka kaam kile kurisey etu samjhabole show cause notice issue kurisiley. Hoilebi taikhan bisi jun tu samjhabole nakamyab hoisey.
Add Comment