Regional

Mizoram : Union Minister S Jaishankar para BJP manifesto release kurisey

April 12, 2024
24 Views

Aizawl, April 11 : Ekternal Affairs Minister Dr. S. Jaishankar para Thursday din te Regeency Hotel te Mizoram Pradesh BJP manifesto ‘Vision Document Highlights for Lok Sabha election 2024’ release kurisey.

Etu manifesto laga kunba highlight khan tu :

  1. Ayushman Bharat laga barithaka health care ke Rs 5 lakh para Rs 10 lakh tak baraidisey. Rajya laga ekta medical college, State Zoram Medical College ke Regional Institute of Medical Sciences te convert kuribole aro SHC, PHC, CHC aro District Hospital te Mizoram Health Infrastructure develop kuribole nimitey Rs 1000 crore poisa side kurikina rakha.
  2. 3ta Central Government Engineering college, duita Central Government Engineering college, Mizoram Skill Development University, Mizoram Drone Institute banaikina Mizoam ke ekta Educational Hub bana.

Etu manifesto para etu bi highlight kurisey ki Manipur laga Imphal te thaka Sports University ke Thenzawl Mizoram te shift kuridibo.

  • Kisan khan ke PM Kisan Niddhi laga through para empower kuribole 3 lakh tak loan dkina aro Mizoram Agri Infra Mission ke banabole aro ekta crop specific farmer producer banabole nimitey Rs 1000 crore funds dibole. Manifesto te enaka bi oisey ki Mizoram ke ‘Silk Mission’ laga under te Northeast India laga Silk Capital banabole nimitey 100 crore poisa dibo.
  • 950 crore poisa para Mizoram Rural Infiamna Mission banabole aro 400 crore funds para  Mizoram Urban Development Infrastructure Mission banabole. 
  • 250 crores fund logotey tourism promote kuribole aro Vangchhia Archeological site ke ekta UNESCO World Heritage Status dibole.
  • Ekta inclusive Development kuribole kuntu te sob manu shamil asey.
  • Mizoram Sports Talent Development Programme laga under te Government School aro College khan te Sports develop kuribole nimitey Rs 50 crore laga fund.
  • Sports te shamil thaka maiki khan ke Rs 5 lakh scholarship dibole aro Free Health Kits, Free HPV Vaccine aro Free Mammogram Screening dibole. 1000 crore funds logotey Empower Women Credit Scheme, Mizoram Women Entrepreneurship Scheme aro SHG Empowerment Scheme banabole.
  • Mizoram laga sob district te ekta Drug De-addiction aro Rehabilitation Centre banabole aro Siaha, Lawngtlai, Saitual aro Hnahthial district ke Aspirational District ke Aspirational District te uplift kuribole.

Media ke Indo Myanmar border laga kotha kurikina, Jaishankar para koisey ki Centre tu border laga aar-paar te thaka manu khan majotey relationship aro shared customs aro tradition laga aware asey.