Agartala, April 12 : Ekjun senior Congress leader para Friday din te koisey ki Congress general secretary Priyanka Gandhi Vadra tu tatey April 16 te hobole thaka ekta road show te hisa lobole asey.
Etu roadshow tu duita Lok Sabha constituency, Tripura West aro Tripura East laga opposition INDIA bloc candidate laga support te organize kuribole asey. Aro etu tu Agartala laga sob important jaga ke chubole asey.
Senior Congress MLA Sudip Roy Burman para ekta press conference ke koisey, “Priyanka Gandhi Vadra tu Agartala te April 16 te land kuribole asey aro duita parliamentary constituency aro assembly by-polls duita te bi INDIA bloc manu khan ke vote nimitey request kuribole ekta road show join kuribo.”
Barman para koisey, “Tatey rally tu nohobo, hoilebi roadshow chuli thaka homoitey, tai para Surya Chowmuhani osor te ekta speech dibo aro manu khan ke duita Lok Sabha seat te opposition INDIA Bloc candidate nimitey vote dibole appeal kuribo.”
Desh tu ekta ‘dharmayuddha’ nimitey agey bari asey koikina dawa kurikina, Roy Barman para manu khan ke etu roadshow join kurikina etu ke ekta dangor success banabole request kurisey.
Pradesh Congress president Asish Kumar Saha tu West Tripura Lok Sabha constituency para opposition INDIA Block nominee hoikina contest kuri asey. Former CPI(M) MLA Rajendra Reang tu East Lok Sabha constituency para opposition alliance candidate asey.
West Tripura Lok Sabha seat laga election aro Ramnagar Assembly constiyuency laga by-election tu April 19 te hobole asey aro Tripura East Parliamentary nimitey voting tu April 26 te hobole asey.
Add Comment