Regional

R Praggnanandhaa para Fabiano Caruana ke hold kurishey

April 13, 2024

Canada, 12 April : Grandmaster D Gukesh toh agey par haria piche dey joint top spot para girishey, Frenchman Firouza Alireza laga khilaf, huilewi jawaan prodigy R Praggnanandhaa toh American Fabiano Caruana logot Candidates chess tournament laga seventh round dey aasani para draw kurishey.

Haar piche dey, 17-saal Gukesh toh Caruana and Praggnanandhaa logot milaina four points dey joint second spot dey girishey.

Russia laga Ian Nepomniachtchi para tai laga slender half-point lead luishey, possible seven dey para 4.5 points logot half-way stage dey American Hikaru Nakamura logot ekta draw piche dey.

Nijat Abasov logot ekta draw piche dey, Vidit Gujrathi para tai laga tally toh 3.5 points tak lui jaishey kutey tai Nakamura logot fifth spot share kurisheh kitia Alireza para seventh spot luwoley tai nijor ke 2.5 points uthaishey. Abasov toh tuita points logot last place dey asey.

Mahila laga section dey, R Vaishali toh takot haari jaa dikhi paisheh kitia itu event dey third loss huishey. China laga Tingjie Lei toh itu Indian karney bishi bhaal thakishey ek din dey kitia alag three khel khan draws dey khotom huishey.

China laga Zhongyi Tan toh itu pack logot ekta point aatha agey thakishey, Russia laga closest rival Aleksandra Goryachkina logot draw kuria piche dey.

Kateryna Lagno, Russia, Bulgaria laga Nurgyul Salimova logot ekta draw huisheh kitia itu din laga alag khel dey, Anna Muzychuk para India laga Koneru Humpy logot peace sign kurishey.

Results round 7 (Indians specify nakuria tak):

Firouza Alireza (Fra, 2.5) para D Gukesh (4) ke haraishey; Hikaru Nakamura (Usa, 3.5) toh Ian Nepomniachtchi (Fid, 4.5) logot draw huishey; Nijat Abasov (Aze, 2) toh Vidit Gujrathi (3.5) logot draw huishey; Fabiano Caruana (Usa, 4) toh R Praggnanandhaa (4) logot draw huishey.

Mahila : Tingjei Lei (Chn, 4) para R Vaishali (2.5) ke haraishey; Anna Muzychuk (Ukr, 2.5) toh K Humpy (2.5) logot draw huishey; Aleksandra Goryachkina (Fid, 4.5) toh Zhogyi Tan (Chn, 5) logot draw huishey; Kateryna Lagno (Fid, 4) toh Nurgyul Salimova (Bul, 3) logot draw huishey.