April 25, 2024: 25th April 2024 din deh, World Malaria Day observe kuri shae Kohima laka Secretariat Conference Hall deh. Din tho ‘Accelerating the fight against malaria for a more equitable world” laka theme pitor deh manai shae.
Occasion deh kotha kura time deh, Principal Director cum Mission Director NHM, DH&FW Dr. E. Motsuthung Patton para kinaka Malaria hata bole India kan kam kuri shae aro kinaka mortality rate tho bishi giri shae, etu kan highlight kuri shae. Tai para Health workers, ASHA aro surveillance workers laka kam kan keh praise kuri shae.
Tai, sustainable development goals aro kinaka India kan, 2030 para Malaria hata bole aim kuri ase, etu deh kotha kuri shae. Tai para sal laka pitor taka bacha kan, migrant workers, Refugees aro indigenous manu kan kinaka, taikan keh Malaria para bishi impact kureh, etu deh b kotha kuri shae.
Programme deh, Kohima paea tuita sobse bhal ASHA aro tuita sobe bhal surveillance workers kan keh felicitate kuri shae; (Rusoma/ Chedema) para Mhalerovi aro (Keyake/ Daklane) para Diezenuo, para first aro second prize respectively jiti shae surveillance workers category pitor deh. ASHA workers category pitor deh Kikrusi kun (Thizama) para ase aro Temsujungla kun (A.G) para ase, taijun respectively first aro second prize jiti shae.
Programme tho Director (Health) DH&WF, Dr. Akuo Sorhie para chair kuri shae aro vote of thanks tho Addl. Director & SPO (NCVBDC), DH&FW, Dr. R. Chubala Aier. Para di shae.
(Kongle, IA)
Add Comment