May 5, 2024: National Conference president aro former Jammu and Kashmir chief minister Faroor Abdullah para Sunday din deh, union territory laka voters kan keh warning di shae, EVM aro VVPAT fraud laka against. Tai para voters kn keh hoshi rar taki b kui shae Electronic Voting Machine laka manipulations deh. Tai para EVM tho ekta “theft machine” ase kui nah, former J&K chief minister para Kashmir deh taka sob voters kan keh, machine deh taka LED light keh check kuri b kui shae, taikan Lok Sabha election karne vote case kuri bole jah time deh. Abdullah para etu kui shae,” EVM tho ekta theft machine ase kui nah jani bole zaruri ase, sob voters kan karne. Polling din deh, apni identification laka process deh jabo aro apni laka finger keh ink kuri bo. Apni EVM booth deh jah time deh, tateh taka LED light keh check kuri bo lakeh.” “Apni vote cast kura piche deh, machine para ekta beep ahi bo. Machine deh light nata kile, bahar ahi nah etu mamla deh, election staff keh hudi bo lakeh,” tai para kui shae. Tai, Srinagar laka outskirts deh rally ekta keh address kura time deh, Prime Minister Narendra Modi keh hamla kuri shae. Farooq para Modi, electoral gains pabo karne communal scaremongering tak jai shae kui nah accuse kuri shae. “Tai Hindus keh bui kila bole koshish kuri ase. Taikan tuita ghor taki leh, opposition para ekta chor kuri nah Muslims kan keh dibo kui nah. Etu piche deh taikan, Hindu maike kan keh bui kilai ase. Taikan keh, taikan laka mangalsutra keh chor kuri nah bikai dibo kui nah. Sale laka proceed tho aro Muslim keh dibo kui nah,” tai kui shae.
“EVM tho ekta theft machine ase”: Farooq Abdullah para PM Modi keh hamla kuri shae
