Brazil floods: 57 laka upor manu muri shae

May 5, 2024: Brazil deh pani bishi gira tho, floods aro mudslides kan trigger kuri di shae cities kan deh. Aro etu kan para 57 laka upor manu keh murai di shae aro 70,000 jun keh ghor para jorborjost ola bo di shae, country laka civil defense agency para Saturday din deh kui shae. Dozen nishi nah manu kan itia b hari nah ase Brazil deh heavy flooding taka karne. Aro report laka isap deh 74 manu kan jokom kai nah ase. Rio Grande do Sul laka water levels tho phat uthi shae. Enaka hui jah tho city laka dams aro drainage system deh strain dali shae. Civil defense reports of Brazil deh lika report isap deh, 470 laka upor manu kan hari nah ase country deh hua flooding aro landslide karne. Floods para country laka 281 upor municipalities keh impact kuri shae. Porto Alegre deh taka international airport para taikan laka sob international flights kan suspend kuri di shae city laka server condition karne. Guaiba River tho rasta deh b ahi jai shae. Rio Grande do Sul Governor Eduardo Leite para, etu catastrophe hua piche deh taila state, heavy investment laka ekta “Marshall Plan” laki bo kui shae. Authorities para citizens keh situation tho aro bia hobo pareh kui nah warning di shae. Manu kan keh taikan laka pani aro food supplies tho ration kuri b kui di shae. Kile koile city laka choitha water treatment plants deh chartha tho itia bon hui nah ase.