US aro China majode business war: Jack Ma

Agencies, 05 November: Monday din Alibaba Group Holding Ltd laga chief Jach Ma pora kowah toh, U.S aro China majode business war toh duniya laga sobse mesa-mesi pagala kum ase. Tuita desh majide hundreds billions dollars tariffs ekta-ekta logode kora thakise. Aro U.S President Donald Trump pora business chamala thek nahowah tak China laga $500 billion-plus exports deh tariff koribo koikena phoi khelai kena ase. Shanghai laga Chinese Commercial hub jaga deh China International Import Expo (CIIE)  lowah time deh Ma pora business chamala laga kotha toh ola laga ase. Ma pora kowah toh, China logode US business kera karni Trump pora China logode bothnaam korise. Etu pora U.S khan jobs ola deh motob paise aro etu nahoise koile US khan ektum dekthari pabo thaga ase. Tai aro kowah toh, China khan import model deh hatjaise koile besi business khan ke ektum bekhabole ase. Hoilebe etu pora consumers khan logode phal chance pabole ase. Ma pora technology opor deh bhoi nakhabole janaise. Tai kowah toh, manu khan technology deh bhoi khaa first toh dangor manu, second toh government aro third toh successful manu khan ase koise. Tai khan khen lagi aro bhoi khai koise. Tai young manu khan technology deh bhoi khaa dekhanai koise.