May 10, 2024: Friday din deh ekta Kerala court para ekta 27 sal laka mota keh convict kuri shae, ekta 23 sal maike laka ghor deh trespass kura karne aro taike stab kuri nah murai dia karne 2022 deh. Thalassery district court para Shyamjith keh guilty pai shae, baba, ama kan nataka time deh Panoor deh taka maike laka ghor deh gusa karne aro taila advance kan reject kura karne, taike murai dia karne. Incident tho October 22, 2022 deh hui shae, maike laka kandan kan ekta relative laka post death ritual attend kuri bo kanre, taikan laka ancestral ghor deh jah piche deh. Taila ama wapas ghor deh ani nah taike bisara time deh, taike ekta bedroom laka pitor deh pai shae kun lokot deh. Incident hua nah olop kanda piche deh Panoor police kan Shywamjith keh duri bole pari shae. Taike CCTV visuals deh diki bo pari shae, victim laka ghor osor deh. Police kan para hammer aro knife nishi nah weapons kan b recover kuri shae. Trail tho September 21, 2023 deh shuru hui shae aro phat proceed hui shae. Incident deh actual eyewitness tho taka nai, hoile b police kan strong scientific aro circumstantial evidence deh rely kuri shae, lone accuse laka against charges tho frame kuri bole.
Kerala court para ekta mota keh convict kuri shae, maike keh stab kuri nah murai dia karne
