Adani Stocks uthishey

New Delhi, 14 May : Adani group stocks toh Tuesday dey limelight dey thakishey, kitia Adani Enterprises, Adani Total Gas aro Adani Power, 5 percent logot bishi uthishey. Adani Enterprises laga Shares, billionaire Gautam Adani para lead kuria group laga flagship firm, BSE dey 5.43 per cent rally kurishey. Adani laga stock Total Gas 5.50 per cent uthishey, Adani Power 5.49 per cent uthishey, Adani Green Energy 4.34 per cent uthishey aro ACC toh 4.17 per cent uthishey. Ambuja Cements laga shares toh 3.90 per cent para uthishey, Adani Energy Solutions toh 3.07 per cent agey jaishey, Adani Wilmar (2.20 per cent), Adani Ports (1.89 per cent) aro NDTV (1.87 per cent). Sob 10 listed firms laga combined market valuation toh Rs 15,86,018.55 crore thakishey. Equity market dey, 30-share BSE Sensex toh 328.48 points uthishey, nahuiley 0.45 per cent, 73,104.61 dey settle huishey. NSE Nifty toh 113.80 points upar uthishey, nahuiley 0.51 per cent, 22,217.85 tak. Adani Enterprises Ltd (AEL) kuntu logot  new energy para airports tak aro data centres laga interests span hui asey, itia laga financial saal dey businesses dey Rs 80,000 crore spend kuriboley plan kuri asey, ekta senior company executive kuishey. 2024-25 (April 2024 to March 2025) fiscal karney capital expenditure kuria laga bulk toh new energy businesses aro airports dey thakibo, Saurabh Shah, AEL deputy chief financial officer kuishey, ekta analyst call dey, ekta transcript kuntu itu company para release kurishey. ANIL toh Adani New Industries Ltd asey kuntu para solar modules panai, kuntu para sunlight ke electricity, aro green hydrogen dey convert kurey.