West Bengal, May 15: Union Home Minister Amit Shah pra Wednesday dae Pakistan-occupied Kashmir lah upur khota kurishey aro koishey “POK tho India lah hisa asey aro amikhan etu lui luwo”.
Serampore lah ekta rally dae address kuri kina, Shah pra koishey ki 2019 dae Article 370 tho hatai dia bichedey, Kashmir dae peace ahishey.
“Government pra 2019 dae article 370 hatai dia bichedey, Kashmir dae peace wapas ahishey Hoilibhi itya amikhan pra Pakistan occupied Kashmir dae ekta protest dikhi pai asey.Puila Azaadi lah slogans huni paishey, itya POK dae etu eki solgans tho huni pai asey. Yatey puila pathor pilai thakishey, itya POK dae pathor pilai asey.
Shah pra koishey ki Lok Sabha elections tho INDI alliance lah corrupt leaders aro Narendra Modi nishina honest politician majo dae choose kuriwoley lah asey. Modi, Chief Minister aro Prime Minister hui kina bhi, kitya bhi tai lah upur poisa lah allegations aha nai”.
