May 16, 2024: ENPO kan Central aro State Elections deh absent taka karne aro public emergency laka issue deh ekta press conference convene kuri sha, 16th May 2024, Secretariat Conference Hall deh.
Media persons kan keh address kuri nah, Minister for Power & Parliamentary Affairs, KG Genya para agae deh ekta State Cabinet meeting lui shae kui shae. Meeting tho events kan ki ki hui jai shae aro ULB laka election deh absent hobo kui nah ENPO para statement bana deh, kotha kuri bole lua ase. Kenye para, Frontier Nagaland laka issue deh quarters kan ekta b misunderstanding kan nai kui shae. Tai para State Government kan, case tho MHA keh recommend kuri nah initiate kuri shae kui shae
Kenya para State Cabinet kan aro ekbar, ENPO aro taikan laka constituent bodies kan kan appeal kuri shae kui shae, aha ULB election deh participate kuri b kui nah. ULB election tho Supreme Count laka direction deh conduct kuri ase. Kenye para ULB tho local self government karne ekta semi-Autonomous body ase kui shae, local levels deh nijor laka affairs manage kuri bo karne. Tai para ULB tho grassroot level development kan bana karne ase kui shae aro mukan laka citizens karne ase kui shae. Tai para ENPO aro alak kan keh aro appeal kuri ase, aha ULB deh actively participate kuri b kui nah. Centre para funds kan ani bo karne aro mukan laka town councils kan keh aro develop kuri bo karne.
FMR laka issue deh, Kenye para State Assembly kan etu mamla deh, puila para heh resolution pass kuri shae kui shae aro FMR scrap nakuri bole, Govt. of India keh request krui shae kui shae. Govt. kan Govt. of India lokot deh sob necessary action lua karne aro Govt. of India para b issue tho aro papna kuri bo kui nah assure kura karne, NGOs kan keh request kuri nah ase, Govt. of India kan considered decision nalua tak patience taki b kui nah.
(Esuthangle, IA)
Add Comment