Agencies, 06 November: Monday din UK government pora Commonwealth nationals khan ke armed forces recruitment lobole khobor janaise. Etu recruitment lobole kora toh ranks deh maike kena thaga plan hobo karni kora ase. Commonwealth toh 53 independent states ke kowah ase. Etu deh India be meli kena ase. Ministry of Defence (MoD) pora etu plan toh written ministerial statement (WMS) deh janaise Parliament laga agae deh. Etu recruitment toh nai-nai koilebe UK deh 5 sal thaga khan karni ola ase. MoD statement deh, ami khan Commonwealth citizens nemide five-year UK residency criterion troh hataidese aro Royal Navy, British Army aro Royal Air Force (RAF) nemide recruitment toh 1,350 tak othaidese. Application toh sob Commonwealth khan logode manise aro tai khan under 18 laga applications deh namanibo koise. May 2016 deh Commonwealth khan nemide hotai sal 200 manu lobole mana thakise. Hoilebe etya RAF aro Navy logode recruitment toh dangor koridese aro Army nemide application toh 2019 agae moina time pora manibole ase. Commonwealth deh nathaga pahar desh khan logode application toh namanibo.
UK pora Commonwealth nationals nemide armed recruitment olaise
Add Comment