Tuita building kera pora 8-jun morise pari

Marseille, 06 November: Monday morning Southern French city, Marseille jaga deh tuita apartment korise. Etu pora manu 8 jun manu morise pari koikena bhoi khai ase.  Building pethor pora ekta body toh olai kena ase. Rescuers khan manu mora nahoile jokhom powah khan ase na-nai sabo karni ratphor kum kora thakise. Building kera jaga deh sniffer dogs khan etya tak besari ase. Pura-puri beya korideya car building pora olaise aro rescuers workers pora car toh shift koridese. Monday rati  Interior Minister Christophe Castaner pora five aro eight majode manu haraise kowah thakise. Tai pora five toh residents aro tinta toh buildings deh ahha ase pari koise. Hatsa howah jaga deh Castaner pora manu laga live he first bachabo lagi koise. Tai pora ami khan first sabha kora operation time deh hawah laga chinda olob paise, etu pora dinda manu thakibole biswas kori ase koise. Prosecutor Xavier Tarabeux pora Tusday din danikena ola manu toh moda ase koise.