New Delhi, 18 May : Indian khiladi khan majority jumbo support staff logot milaina May 25 dey New York dey jawo, kitia pachia khan toh T20 World Cup karney May 26 IPL final piche dey jawo. Agey dey, teams laga members kun play-offs karney qualify huwo parianai, taikhan May 21 dey New York jawoley thakishey, IPL laga final league khel tui din piche dey May 19 dey huilewi jani paishey ki plans dey kunwa podli huishey aro itia agey batch toh May 25 dey jawo.
“Skipper Rohit Sharma, Hardik Pandya, Suryakumar Yadav, Jasprit Bumrah, Rishabh Pant, Arshdeep Singh, Axar Patel nishna khan support staff logot milaina May 25 dey jawoley asey, ekta BCCI source para PTI ke kuishey.
Itu source kuishey ki agey dey first batch karney itu departure date toh May 21 thakishey huilewi kitia India toh khali ekta warm-up khel khili asey (vs Bangladesh June 1 dey), khiladi khan kunwa dina ghor dey spend kuribo paribo.
Khaki utu khiladi khan kun IPL final laga ekta part asey taikhan picha rukhibo aro pachia khan May 27 dey New York jawo.
Itu par squad ke kaafi time diwo jet lag komti kuriboley aro kom se kom three para four quality net sessions thakiboley, Bangladesh warm-up khel agey dey.
India para Ireland laga khilaf taikhan laga campaign June 5, New York dey khulibo, kuntu piche dey marquee clash thakibo Pakistan laga khilaf June 9 dey.
India squad: Rohit Sharma (Captain), Hardik Pandya (Vice Captain), Yashasvi Jaiswal, Virat Kohli, Suryakumar Yadav, Rishabh Pant (WK), Sanju Samson (WK), Shivam Dube, Ravindra Jadeja, Axar Patel, Kuldeep Yadav, Yuzvendra Chahal, Arshdeep Singh, Jasprit Bumrah, Mohd. Siraj.
Add Comment