Bangkok, 18 May : India laga premier mota doubles pair, Satwiksairaj Rankireddy aro Chirag Shetty, Thailand Open badminton tournament laga final dey ekta aasan straight-khel jeet logot ghusishey, Chinese Taipei laga Lu Ming-Che aro Tang Kai-Wei khilaf Bangkok dey Saturday. Asian Games gold medallist pair Satwik aro Chirag khali 35 minutes lagishey taikhan laga world No. 80 opponents ke 21-11 21-12 harawoley, Super 500 tournament laga semifinal match dey, Nimibutr Stadium dey.
Satwik aro Chirag toh Thailand logot ekta deep relation asey kiley kuiley five saal agwy 2019 dey taikhan yatey maiden super 500 crown jitishey. Saturday dey, itu Indian pair toh itu title wapis luwoley osor thakishey, aro ekbar summit clash pahunjia piche dey.
Itu Indian pair BWF World Tour dey waves panai thakia chari rakhishey, season laga fourth final dey agey jaa piche dey. Itu duo toh Malaysia super 1000 aro India super 750 dey runner-up khotom huishey kuntu piche dey taijun March dey French super 750 jitishey.
Sunday final dey, itu world number three Indian duo, itu tournament dey top seeds, Chinese pair Chen Bo Yang aro Liu Yi khilaf samna kuribo, kun South Korea laga Kim Gi Jung aro Kim Sa Rang ke alag semifinal dey 21-19 21-18 harai dishey Saturday dey.
Satwik aro Chirag toh jaa kunwa tournaments dey low returns thakishey. Itu Indian pair toh All England Championships laga second round dey harishey aro Satwik jokhum hua karney Asia Championships miss kurishey. Itu Thomas Cup campaign bhi eman fruitful thakianai kiley kuiley taikhan top pairs laga khilaf kunwa narrow matches harishey. Itu final appearance para Paris Olympics agey dey ekta major boost diwo.
Mahila laga doubles dey, fourth-seeded Indian pair Tanisha Carsto aro Ashwini Ponnappa para Thailand laga top seeds Jongkolphan Kititharakul aro Rawinda Prajongjai ke semifinals dey samna kuribo Saturday dey.
Add Comment