Lionel Messi laka napkin, USD 965,000 para biki shae auction deh

May 19, 2024: Famous napkin, kuto ekta jawan Lionel Messi keh Barcelona lokot link kuri shae, etu napkin tho 762,400 pounds karne biki shae Friday din deh, British auction house Bonhams para kui shae. 25 sal agae ekta napkin deh, agreement liki nah taki shae, 13 sal laka Messi keh sign kuri bole. Etu signing tho ekta Barcelona tennis club deh hui shae. Etu piche deh, etkta formal aro detailed taka contract ekta follow kuri shae club lokot deh. Bonhams para auction tho, Horacio Gaggioli laka nam deh kura ase kui shae. Horacio Gaggioli tho ekta agent ase. Tai tho Messi laka home country Argentina para ase aro tai, deal deh taki shae. Napkin deh date December 14,2000 liki nah ase aro etu deh Gaggioli, Josep Maria Minguella aro Barcelona laka then-sporting director, Carles Reach laka signatures kan taki shae.