NIA para most wanted trafficker Hannan Mia ke durishey

Tripura, May 19: National Investiagtion Agency (NIA) laga teenta special team member kan para wanted criminal Hannan Mia (40) ke custody deh loishey aro taikey Guwahati deh loi jai ase, NIA special court  deh trail face kuriwo karneyTripura para Monday deh. Etu successful operation toh Bishalgarh Police Station laga Officer-in-charge, Rana Chatterjee para Mia ke duriwoley Sunday deh kurishey. India Today NE, Rana Chatterjee para koishey ki Hannan Mia toh NIA para most wanted criminal deh list kurishey. Tai para koishey ki “NIA para tai laga capture karney Rs 1 lakh cash reward rakhishey. Ekta tip-off laga karan moikan para special operation carried out kurishey aro Mia ke arrest kurishey. Moikan para tai laga connection international human trafficking logot ase koina janishey aro tai para teenage maiki kan exploit kurina taikan ke prostitution rackets, nakli Indian documents aro alag illegal activities kan deh involvement takishey. Tai ke duriwoley, NIA para ekta operation launch kurishey. Hoilibi taikan para peche deh moikan laga madod bisarishey aro enaga kurina successfully arrest kuriwo parishey taike.” Ekta official para peche deh koishey ki thik arrest hwa peche deh, Tripura Police para NIA ke notify kurishey aro tadey para 3-member team  taika laga investigation agency para Guwahati para ahishey aro Mia ke court laga agey deh pesh kurishey, 4-day transit remand paina special NIA court deh rakishey. Tai para koishey ki “ Aji NIA officials kan en route to Guwahati jai ase Hannan Mia ke Agartala para lpoina NIA special court deh pesh kuriwo.”