New Delhi, May 22:Pune dae ekta 17 saal mota pra tai lah gari lui kina tui juna kae lagai di kina moria dishey kun motorbike dae jai thakishey, etu victims lah amam pra justice mangishey aro demand kurishey ki etu accused tho ekta adults nishina case dae luwoley lagey.
India Today TV lokot khota kuri kina, Aneesh Avadhiya pra koishey ki etu accused tho ekta juvenile nishina nesawoley lagey, add kuri kina ki tai minor hoishey hoiley tai drive nukuriwo, modu khai kina.
Savita Avidhya pra bhi Maharashtra government kae request kurishey tai lah baacha kae justice diwoley matet kuriwi hoina.
“Ami tho amil ha baacha harishey aro etu karney ami Maharashtra government upur umit kuri asey tai justice pawoley. Ami lah baacha jai jaishey. Ami etu kinika lagey kuwoley nepariwo aro apuni bhi nubujiwo ki ami kinika lagi asey”, tai pra etu koishey.
