May 25, 2024: Saturday din, Chhattisgarh laka Bemetara district deh ekta bomb puti shae, explosives manufacturing factory deh. Etu blast deh ekta manu muri jai shae aro alak choi jun jokommkai shae, officials kan para kui shae.
Bemetara collector Ranbir Sharma para explosion tho Prida bosti deh taka unit osor deh hui shae kui shae kuto Berla development block deh ase. “Police aro rescue teams kan site deh phat jia shae, incident tho hua piche deh. Unit laka employees kan keh evacuate kuri di shae aro situation tho control laka pito deh ase,” tai para kui shae.
Sharma para fire brigade team aro State Disaster Response Force (SDRF) personnel kan keh deploy kuri di shae kui shae spot deh. Jokom kah manu kan keh tho Dr. BR Ambedkar Memorial Hospital Raipur deh admit kuri di shae. “Choitha jokom kah manu keh tho Dr. BR Ambedkar Memorial Hospital Raipur deh lui jai shae, treatment karne. Ekjun tho muri nah ani shae,” hospital laka public relations officer, Shubhra Singh para media keh kui shae.
Eyewitness kan para local news channels kan keh, kom seh kom ekso nishi nah manu kan explosives manufacturing factory deh kam kuri taki shae kui shae, blast tho hua time deh.
