May 25, 2024: Delhi chief minister Arvind Kejriwal para Saturday din, Former Pakistan minister Chaudhry Fawad Hussain hit out kuri shae, kun ongoing Lok Sabha election deh Aam Admi Party (AAP) convenor keh back kuri shae.
Capital deh taila vote cast kura piche deh, Kejriwal para tai aro taila kandan laka photo ekta share kuri shae X deh. “Mui, ami laka baba, maike aro bacha kan lokot deh vote cast kuri shae. Mui dictatorship, unemployment aro inflation laka against vote kuri shae. Manu kan sob taikan laka vote cast kuri bole lakeh.”
Delhi chief minister laka picture tho report kuri shae, Hussain para etu liki shae,” Peace aro harmony para hate aro extremism laka force keh hara bole hope kuri ase #MorePower #IndiaElection2024.”
Hoile b, Kejriwal tho kushi pah nai aro Pakistan Tehreek-i-Insaf leader keh slam kuri shae. “Chadudhry Sahib, mui aro muila country laka manu kan, mukan nijor laka problems solve kuri bole pareh. Mukan, apni laka tweet nalageh. Itia, Pakistan kan ekdum bia state deh ase. Apni, nijor laka country keh handle kuri b,” Kejriwal para liki shae.
“Indian elections tho mukan laka internal matter ase. Country kan sobse dangor terror sponsors para interference tolerate nakuri bo,” AAP leader para post kuri shae.
