May 25, 2024: Friday din Maharashtra laka Nagpur jaka deh, ekta gari teentha manu keh lakai di shae, tateh ekjun tho bacha taki shae. Lakai dia piche deh mob ekta para gari keh vandalize kuri di shae. Incident tho hua piche deh, police para teenjun keh detain kuri shae, tateh gari laka driver b ase, kun gari tho rashly chulai taki shae.
Jokom kan manu deh ekta tho maike taki shae, ekta tho teen sal laka bacha taki shae aro alak ekjun. Police para accuse keh ekta medical examination karne patai di shae aro case file kura laka process tho kuri ase, news agency ANI para report kuri shae,
Gorakh Bhamra, DCP, Nagpur para etu kui shae,” Ekta maike, taila bacha aro alak ekjun jokom kai shae, ekta speeding gari taikan keh lakai dia piche deh. Etu incident tho 8:30 pm nishi nah deh hui shae, Zenda Chowk jaka deh. Police para accused ekta deh duri lui shae. Police para teentha youths aro gari laka driver kej detain kuri di shae. Liquor bottle aro narcotic substance kan gari para seize kuri shae. Accuse laka medical test tho conduct kuri ase aro case ekta register kuri nah ase.”
