Dhaka, 08 November: Thursday deh Bangladesh’s Chief Election Commissioner pora kowah toh South Asian nation pora Dec. 23 din deh general election lobo aro Election Commission pora free aro fair election koribo koikena wada korise. Election Commission laga head K.M. Nurul Huda pora kowah toh, tai sob parties khan election deh thakibole biswas ase. Etu time deh Prime Minister Sheikh Hasina logode aro junibole biswas kori ase. Huda pora kowah toh pura nation deh 40,000 voting centres thakibo aro free and fair election thakibo karni 600,000 law enforcement personnel pora be besi olabo. Wednesday din Bangladesh’s ruling Awami League party pora opposition party’s laga demand deh mananai. Opposition party toh election laga agae deh caretaker government nemide demand kora thakise. Opposition Bangladesh Nationalist Party (BNP) pora caretaker government toh free aro fair polls nemide ektum kum laga ase koise. Hoilebe ruling party pora etu demand toh illegal ase koise. Huda’s pora janaideya bechide BNP secretary general Mirza Fakhrul Islam Alamgir pora Reuters logode kowah toh tai laga party aro supporter khan hesha thakibona nathakibo etya tak plan kori ase. Tai pora kowah toh, BNP pora commission logode vote postpone koribole koise.
Add Comment