Duita manu ke arrest kurishey IPL betting scam deh

Assam, May 25: Special Task Force (STF) para duita manu kan ke Assam laga Dhubri district deh Saturday durishey, taikan toh IPL match kan deh illegal betting kura nimey deh. Ekta tip off deh act kurina, STF para raid kan conduct kurishey Bilasipara area deh suspects kan laga ghor deh. Arrest huija manu kan laga naam toh Sahidul Islam aro Mozidul Islam ase koina janai di ase. Raid para, STF kan para evidence seize kurishey aro etu para duita duo laga betting ring deh involve ase koina janishey. Confiscate kura item kan toh pashta mobile phones, passbooks alag alag bank kan laga, ekta chequebook aro PAN cards takishey. Arrest huina, Sahidul aro Mozidul ke Bilasipara police station laga hawala kuridishey futher investigation aro legal action karney.