Meghalaya, 1 June : State Disaster Rescue Force (SDRF) personnel para Friday dey Meghalaya laga East Khasi Hills district laga Nongpriang bosti dey three jun manu laga laash recover kurishey, kuntu para itu rain-triggered landslide laga death toll toh four dey anishey, officials kuishey.
“Sob four laash bhi recover kurishey,” Sohra civil subdivision officer Saloni Verma kuishey.
May 30 dey, bosti dey ekta landslide para sob four khantan manu ke taikhan laga RCC ghor logot lui jaishey. Itu victims toh Phisar Nongrum (75 saal), Kynmaw Syngai (70 saal), Benti Riahtam (60 saal), aro Lumlang Riahtam (16 saal) asey.
Thursday shaam para luina, itu SDRF team, Nongpriang bosti laga residents logot, tirelessly search aro rescue operations conduct kuri thakishey aro agey dey Phisar Nongrum laga laash paishey.
Friday din dey, Lumlang Riahtam laga laash recover kurishey, aro continuous search kosis piche dey, itu team para Kynmaw Syngai aro Benti Riahtam laga laash paishey, ekta police officer kuishey.
East Khasi Hills DC SC Sadhu para agey dey announce kurishey ki victims laga next of kin kw Rs 4 lakh laga ex gratia diwo.
Revenue aro Disaster Management Minister Kyrmen Shylla kuishey ki tai, Sohra laga representatives logot milaina, victims’ khantan ke respects diwoley visit kuribo aro compensation cheques diwo.
Add Comment