Austrian colonel suspect Russian spy ke

Agencies, 09 November: Friday din Chancellor Sebastian Kurz pora kowah toh, Austrian authorities pora etu par retire howah senior military officer logode question korise. Etu question kora toh poila tai pora Russia nemide spy korise naki koikena suspect pora question kora ase. Aro Moscow khan logode etu laga kotha toh thek pora samjaidebe koikena Austrian authorities pora demand korise. August moina wedding time deh Russian President Vladimir Putin logode dance kora Foreign Minister Karin Kneissl toh etu laga case nemide Moscow jabole thaga cancel korise. Tai khan colonel toh 1990s time pora spy kora suru hoise pari koikena biswas kori ase. Suspect ke naam korikena Kurz pora reporters logode kowah toh, judi suspect ke jani paise koile Russia aro European Union laga relation phal nakoribe. Kunasek pora kowah toh Australia khan agae hapta etu laga case deh hosiyar hoise. Ally’s intelligence service logode thanks janai ase tai khan “technical devices” deh laptop be seized kora karni. Etya ami khan Russia side pora clear khobor lagi ase koikena Kurz pora janaise. Ambassadors absence howah time deh Russian charge d’affaires toh Foreign Ministry logode ase aro ahhibole din time deh kotha koribole thakise koile ami khan laga European partners logode kotha koribo koikena chancellor pora janaise.