Taiwan, 1 June : India laga DP Manu para Taiwan Open 2024 laga mota javelin throw event dey gold medal luishey, 81.58m laga ekta throw logot, Taipei dey Saturday.
Itu Asian Athletics Championship silver medallist tai laga last kosis dey sobse bhaal throq register kurishey. Taiwan Open toh ekta World Athletics Continental Tour Bronze-level meet asey crucial ranking points award kurey.
Manu toh ekta 78.32m throw logot shuru kurishey, kitia tai laga second kosis 76.80m measure kurishey.
Huilewi itu 24-saal tai laga third aro fifth kosis dey spear ke 80.59m aro 81.52m pathawoley tai laga kosis improve kurishey. Tai para fourth throw ekta valid kosis register kuriboley parianai huilewi strong khotom kurishey.
Itu performance toh, huilewi, Manu laga personal best 84.35m logot para duur thakishey. Itu toh tai laga season-best effort 82.06 logot bhi komti thakishey, kuntu jaa mahina Federation Cup Bhubaneswar dey ahishey kitia tai Olympic champion Neeraj Chopra laga piche second khotom huishey.
Manu, kun jaa saal World Championships dey sixth khotom huishey, Paris Olympics karney qualify huwoley pachina asey, kuntu karney qualification mark toh 85.50m asey.
Chopra aro Kishore Jena toh Olympics karney qualify huishey.
Add Comment