New Delhi, 1 June: India Today dey ekta report hisab dey, Gambhir para itia Dravid ke Team India laga notun head coach nishna podli kuriboley asey. Juti Gambhir para olob agey dey hi KKR mentor laga role luishey, Lucknow Super Giants logot tai laga job charina, alag IPL side kuntu tai coaching staff laga ekta member nishna 2022 dey join kurishey.
Juti itu former India opener toh national side laga head coach nishna eku experience nai, nauiley IPL dey bhi, KKR ke itu saal IPL jeet tak lui jawoley tai laga role toh BCCI karney kaafi thakishey, tai laga naam Dravid laga successor huwo karney seriously consider kuriboley.
BCCI para head coach laga role karney May 27 tak dey applications invite kurishey, aro 3000 forms upar paishey kui asey, kunwa fake ‘Sachin Tendulkars’, ‘Narendra Modis’ aro ‘Amit Shahs’ milaina. Itu board para julti shortlisted candidates laga interviewing luwoley shuru kuribo, kutey Cricket Advisory Committee para itu charge dey lead luwo.
Add Comment