“Tai tho Ronaldino nishi nah ase”: Ex-Liverpool star

June 2, 2024: Sunday din laka UEFA Champions League final deh Borussia Dortmund kan Real Madrid lokot kili bole ase, London laka Wembley stadium deh. Dortmund fans karne, sob manu laka suku tho Marco Reus deh hobo, kun karne etu tho final match taki bo, hoile b bench deh shuru hobo leh expect ase. Alak side deh Madrid kan ekta record extending 14^th Champions League title clinch kuri bole aim kuri ase. Ekta media interaction time deh, Hindustan Time lokot kotha kura time deh, former Liverpool aro ex-Scotland midfielder Don Hutchison para Vinicius Junior tho final deh sabo leh laka player ase kui shae. “Mui tho Vinicius laka dangor fan ase. Tai kila sab oleh mui kushi pai. Tai tho Figo aro Ronaldinho nishi nah old school player ase. Etu bacha laka hath deh x-factor tho ase,” tai para kui shae. “Tai hanji nah game tho kile. Tai laka hath deh trickery aro pace ase. Tai keh sab oleh bishi bhal ase. Tai lokot deh ekdum bhal balance b ase. Show deh stars kan bishi ase. Mui ekjun keh choose kuri bole lakeh koile tho, mui Vinicious Jr keh choose kuri bo,” tai para kui shae.