Novak Djokovic, tai French open laka last 16 deh gusi jai shae

June 2, 2024: Novak Djokovic, tai olop karne taila sobse bia defeat keh avoid kuri shae Frenc Open deh. Tai, Italy laka Lorenzo Musetti laka against ekta five-set victory olop para jiti shae. Defending Champion aro 24 times Grand Slam title winner Djokovic, tai tuita set pichae deh taki shae. Hoile b wapas ahi nah 7-5, 6-7 (6/8), 2-6, 6-3, 6-0 score deh jiti shae, third round tie deh. Tai laka char kanda 29 minutes laka victory para, 37 sal laka world number 1 keh Roger Federer laka record 269 Grand Slams match wins keh equal kuri bo di shae. Tai itia Argentina laka Francisco Cerundolo laka against kili bole ase quarter finals laka jaka karne. “Mui Lorenzo Musetti keh congratulate kuri bo mun jai. Ekta manu hari bo lakeh kui nah mun duk ase. Tai ekdum bhal match kili shae. Tai jiti bole heh taki shae. Tai ekdum high quality deh kili shae. DIctar match taki shae mui karne,” Djokovic para kui shae.