Pakistan deh 409 US drone hamla pora 2,714 manu moraidese

Agencies, 09 November: Friday din media reports deh janaideya toh January 2004 time pora US khan Pakistan logode 409 drone hamla kora pora 2,714 manu moraidese aro 728 manu jokhom korise. Dawn khobor hesab deh, CIA-operated drones pora target kora area toh Bajaur, Bannu, Hangu, Khyber, Kurram, Mohmand, North Waziristan, Nushki, Orakzai, aro South Waziristan deh thakise. 2008 aro 2012 majode besi phak drone hamla toh Pakistan Peoples Party laga government pora kora thakise. Officials pora kowah toh 2010 dehe 117 hamla pora 775 manu moraidese aro 193 manu jokhom korise. 2013 aro 2018 majode Pakistan Muslim League-Nawaz laga government thaga time deh 65 drone hamla howah thakise. Etu hamla howah deh 301 manu moraideya thakise aro 70 manu jokhom kora thakise. 2018 deh tuita drone hamla hoise. Etu pora ek jun manu moraidese aro tusara ek jun manu ke jokhom korise. Tehreek-e-Taliban Pakistan laga top leadership toh drone hamla howah time deh moraidese. Taliban chief Mullah Akhtar Mansour toh 2016 deh ekta drone hamla howah time deh morise. Mullah Mansour’s moraideya bechide next din Pakistan army chief General Raheel Sharif pora kowah toh, Pakistani territory deh US drone hamala howah toh ektum thek nai aro etu toh rokhobo lagi. Pakistan khan drone hamla howah deh kelaaf korise aro tai khan pora kowah toh, US khan sovereignty deh mananai (violate). Officials pora 289 hamla toh North Waziristan ekala deh hoise koise. Etu pora 1,651 manu moraidese aro 421 manu jokhom korise koise. South Waziristan deh 91 hamla hoise. Etu pora 707 manu moraidese aro 215 manu jokhom korise.