5 Key Leaders kun itu election dey dangor Setbacks samna kurishey

New Delhi, 4 June :  Lok Sabha elections 2024 laga result para kunwa parties laga key leaders ke dethrone kurishey BJP milaina. Opposition bloc INDIA para bhi ekta comeback kurishey, aro NDA para publicise kuria “400-paar” target pahunjia nai. 1. BJP laga Smriti Irani toh Uttar Pradesh dey Amethi Lok Sabha constituency dey trail kuri asey. Tai itu seat jitiwoley confident thakishey. Congress laga Kishori Lal Sharma para Amethi ke 1.25 lakh nishna votes para lead kuri asey. 2. Congress laga Adhir Ranjan Chowdhury toh alag high-profile candidate asey kun dangor loss samna kuri asey. Tai toh 55,000 votes upar Trinamool Congress candidate aro cricketer Yusuf Pathan laga picha asey, West Bengal laga Baharampur seat dey. 3. Tamil Nadu BJP chief Annamalai Kuppusamy toh Coimbatore dey DMK laga Ganapathy Rajkumar P khilaf 33,000 votes upar trail kuri asey. Tai jitiwoley potential thakia dikhia thakishey, huilewi itu trends para tai runners-up slot dey thakia dikhai asey. 4. Jammu and Kashmir National Conference (JKNC) leader aro Baramulla Lok Sabha candidate Omar Abdullah toh 2 lakh votes upar independent candidate Abdul Rashid Sheikh khilaf trail kuri asey. 5. Union Minister Ajay Mishra Teni, kun laga mota bacha Lakhimpur Kheri ghatna dey arrest kurishey, Samajwadi Party laga Utkarsh Sharma para 33,000 votes upar trail kuri asey Uttar Pradesh laga Kheri seat dey.