Nitish Kumar aro Tejaswhi Yadav tho eki flight dae Delhi jai asey

New Delhi, June 5: Lok Sabha elections dae BJP tho majority pawoley nepari kina, sob suku tho alliance partners JD(U) aro TDP lokot suku di kina asey, kutu key factors asey NDA government kae power dae rakhiwoley. Hoilibhi, daal dae olup kala dikhishey kitya Bihar chief minister aro JD(U) chief  Nitesh Kumar aro tai lah rival aro RJD leader Tejaswhi Yadav tho eki flight dae Delhi jawoley fesla kurishey Patna airport pra, taikhan lah respective meetings karney. Nitish tho Delhi dae NDA meeting karney ja thakishey aro Tejashwi tho INDI Alliance meeting karney jai thakishey. Visuals dae dikhi paishey ki Tejashwi tho Nitish Kumar bichedey dae buhi thakishey. Kutu pra political circles dae speculations uthaishey. Nitish Kumar lah NDA allied JD(U) tho 12 seats jitishey 40 Lok Sabha seats pra Bihar dae aro Tejashwi Yadav lah RJD (INDIA bloc partner) tho jarta LS seats jitishey.