USA, 6 June : US Space Force para dikhi paishey ki China laga secret spaceplane para release kuria alag notun object ekta asey aeo itu itia Earth ke orbit kuri asey. Itu ki asey itia tak jani painai, huilewi itu ke ekta naam dishey 59884 (2023-195G), reusable spacecraft mission laga existing curiosity dey halina, Spacenews laga hisab dey.
Itu spaceplane toh December 2023 dey launch kuria piche dey 165 din upar karney orbit dey asey. Jaa par laga occasions dey, itu toh eman strange thakianai kiley kuiley alag objects deploy kurishey aro itu khan para ajeeb signals dishey, itu media outlet hisab dey.
Huilewi, experts khan para itu move laga piche kaaran dey speculate ekela kuribo paribo. Itu particular action toh 2022 dey itu nishna eki second flight piche dey asey, Jonathan McDowell hisab dey, Harvard-Smithsonian Centre for Astrophysics dey ekta astronomer, kun para note kuri asey ki itu occasion dey, itu craft para proximity aro tests recapture kuriboley ekta object ettisone kurisheym itu karney, itu alag test repetition asey, nahuiley alag notun cheez ulai asey?
Itu laga jawaab toh China dey asey, kun para spaceplane dey itu laga operations upar dey secrecy maintain kuri asey. Itu logot milaina, itu ghatna para, China laga space programme para taikhan kiman
duur ahishey itu dikhai dishey kitia taikhan para muikhan sob ke taikhan ki lagey itu laga sawaal logot charishey.
Add Comment