Assam, June 11: Duita Bangladeshi nationals kan apprehend huishey Guwahati railway station deh. Authorities kan para legal proceedings start kurishey immigration laws enforce kuriwoley. Etu ghatna toh aji morning 10 am deh huishey aro duita ke judicial custody deh loi jaishey. Individual kan laga naam toh Suhag Gazi (24) aro Jahanara Begum (50) koina identified huishey aro taijun bi Golbunia village, Randha post office para hail kurey. Taikan toh Bangladesh, Khulna, Bagerhat district para ase. Authorities kan laga hisab para, Gazi arp Begum toh May 7, 2024 India deh illegally enter kurishey, via West Bengal laga state border para. Tai kan toh Bengaluru deh travel kurishey employment opportunities bisariwo ley. Bengaluru deh time olop thakina taikan Guwahati railway station kali punjishey, Bangladesh deh jaboley laga intention deh, through Tripura. Police kan para legal proceedings kan initiate kurishey etu matter deh address kuriwoley aro immigration laws kan enforce kurishey, regional security maintain kuriwoley.
Duita illegal Bangladeshi nationals kan arrest huishey
