June 11, 2024 : Deputy Commissioner, Peren Vineet Kumar, IAS para ekta notification tey inform kurishey, itu sob general public khan ke, Peren District laga ki, Dr. Ambedkar Foundation toh hoiley ekta autonomous organisation asey, kuntu toh hoiley itu Ministry of Social Justice aru Empowerment, Government of India laga under tey set kurishey.
Peren laga DC para koishey, ki itu Foundation toh hoiley ekta scheme “Dr. Ambedkar Medical Aid Scheme” koi kena implement kuri asey, January 2024 tey para. Itu Scheme toh hoiley medical aid provide kuriboley aim kuria laga asey, kun khan laga serious ailment khan – cancer khan nahoilebi alag life threatening disease khan nishina ke, organ transplant aru spinal surgery bhi milai kena, Scheduled Caste aru Schedule Tribe manu khan ke, kun khan saal laga family income toh hoiley Rs, 3,00,000/ para bhi komti asey.
Peren laga DC para aru bhi koishey ki, itu applicant khan toh hoiley medical aid nimitey apply kuria laga asey, post para itu prescribed application form tey anhoilebi plain paper tey, detail khan laga hisap tey, itu prescribed Performa tey.
Sob eligible applicant khan toh tai khan laga application khan submit kuriboley paribo, Deputy Commissioner laga Office tey, itu Office laga homoi tey, itu foundation forward kuriboley nimitey.
Add Comment