June 11, 2024 : Itu District Planning & Development Board para June laga muhina nimitey, meeting loushey, Chumoukedima laga DC laga Conference Hall tey para, 11th June, 2024 tey. Itu meeting toh hoiley Urban Development & Municipal Affairs & DPDB Chairman, Advisor – Zhaleo Rio para chair kurishey, itu Vice Chairman, DC, Abhinav Shivam, IAS logotey.
Itu Chairman para itu administration aru respective officer ke acknowledge kurishey itu district laga, tai khan laga co-operation nimitey aru itu Lok Sabha election laga conduct kuria toh successful hobo pariboley. Tai para itu notun member khan ke bhi welcome janaishey, aru emphasize kurishey ki, DPDB toh hoiley itu district laga sob para highest body hoi kena aru ekta platform thaki kena, kotey moi khan plan kuri thakey aru itu policy khan ouline kuri thakey, tai para request kurishey, itu member khan ke itu detail khan share kuriboley, itu activity khan laga, itu district tey, tai khan laga respective department khan para.
Tai para koishey ki, Chumoukedima district toh hoiley bishi majetey ekta fastest growing district asey aru tatey toh hoiley privilege aru opportunity khan thaki kena asey, itu officer khan nimitey, itu district under tey serve kuriboley pawa khan. Itu para, tai para itu officer khan ke encourage kurishey, tai khan laga respective department ke serve kuriboley, sincerity logotey, itu manu khan laga welfare karney.
Itu review pichetey, itu jawa muhina laga meeting laga last minute toh, itu board para discuss kurishey aru deliberate kurishey, itu agenda khan laga opor tey, element (World Bank) project Zone- 1 laga Relocation nimitey, kuntu toh Chumoukedima, Niuland, Tseiminyu, Kohima, Peren aru Phek ke cover kuri kena, Chumoukedima Town tey office thaki kena, itu toh approve kurishey, itu house para aru itu toh hoiley itu Government ke forward kuri dibo.
Eneka thakilebi itu notun school (Emerald School) Ward -7 Chumoukedima; Two Wheeler Taxi Association laga Registration, Chumoukedima aru V Movi Institute of Fashion Designing Society laga Registration. Tenyiphe-1 toh hoiley discuss kurishey hoilebi itu next meeting para defer thaki kena, thai thak para verification kuria pichetey.
Itu meeting toh hoiley ekta note of thanks logotey khotom hoishey, itu DC & Vice Chairman DPDB, Chumoukedima, Abhinav Shivam, IAS para.
Add Comment