Assam, June 14: Diarrhoe aro Cholera outbreak para Jaipur tea estate, Assam deh affect hoishey, aro enaga kurina 75 workers kan affect hoishey aro etu para duita manu laga death hoishey. Etu crisis para serious concerns raise kurey area deh sanitation aro public health karney. Etu crisis toh unfold huishey June 3 deh, aro enaga kurina tea worker Gora Jaal laga death hoishey diarrhoea para. Subsequently aro ekta worker, Tinku Koya bi June 7 deh murijaishey. Reports para indicate kurishey ki etu outbreak toh ekta manu naam Jaal aro tai laga maiki para originate kurishey, taikan toh Odisha para ahina bimar hwa peche deh. Locals kan para reportedly koishey ki Jaal para sesame seeds anishey aro locals kan para khaina pura tea garden community deh etu widespread infection toh olaishey koi ase. Infected laga majot deh, 10 patients kan cholera logot diagnosed hoishey, Naharkatia Community Medical Centre para etu confirm kurishey. Cholera logot identified hwa manu kan toh Monita Tanti, Isha Chauhan, Mangali Kaya, Golap Ekka, Manik Tirkey, Basanti Tanti, Pushpa Tanti, aro Lailita Tanti ase, aro taikan toh currently treatment jai ase. Etu logot Pinki Garh aro Anamika Orang kan toh care receive kuri ase diarrhoea logot diagnosed hwa peche deh, Jaipur Tea Garden Hospital deh, 63 patienrs kan recover kurishey aro discharged huishey. Local residents kan para grave concerns express kurishey etu ghatna laga opor deh, etu outbreak toh poor sanitation, unclean drains, aro garden authorities kan laga negligence laga karan ase koi ase. Taikan para Jaipur Tea Garden deh permanent doctor nathaka bi highlight kurishey.
Assam Tea Estate deh Cholera aro Diarrhoea laga outbreak olaishey
