Agencies, 11 November: Bangladesh Nationalist Party (BNP) be meli kena Bangladesh laga opposition khan pora Sunday din janaideya toh, tai khan December 23 general election time deh hesha thakise. Jowah hapta opposition khan pora demand kora deh ruling party khan pora reject kora thakise. Jatiya Oikyafront, 20-party alliance deh 81 sal Dr Kamal Hossain pora lead kori kena poll nemide caretaker government lagi thakise.BNP pora free and fair elections nemide caretaker government lagi ase koise. Hoilebe ruling Awami League pora etu demand toh illegal ase koise. Prime Minister Sheikh Hasina’s government toh arobe third par kari junibole biswas kori ase. Democracy deh bachabole aro democratic process deh thek pora rakhibo karni Jatiya Oikyafront toh election deh thakibole manise koikena Hossain pora janaise. Etu kotha toh agae din alliance members khan logode kotha kora bechide janaideya laga ase. Thursday din election data khobor janaideya time deh Bangladesh’s Election Commission laga head K.M. Nurul Huda pora election toh ektum meaningful hobo karni sob parties khan logode hesha lobole janaideya thakise.
Add Comment