June 20, 2024: Mangkolemba Town Council karne coordination meeting tho customary law court, Mangkolemba, Mokokchung deh lui shae. Etu meeting tho 19th June 2024 deh taki shae.
Chairman ADC & RO, Mangkolemba, T. Lankonsen Tsanglao para meeting tho address kura time deh, etu event laka historic nature tho highlight kuri shae. Tai para municipal elections tho kile zaruri ase, etu deh kotha kuri shae. Sob candidates kan eki opportunity pabo karne, tai para ekta fair aro peaceful process taki bole mangi shae. Taila address deh, ekta free aro fair election taki bo karne ekta level playing field lakeh kui shae aro ekta peaceful state b lakeh kui shae, Mangkolemba deh.SDO© & ARO, Hotulo Sema para sob manu keh ekta positive mind-set rakhi b kui shae, society deh jamala kan ola bole nadi bo karne. Tai para candidates kan keh Model Code of Conduct (MCC) aro alak election regulation tho follow kuri b kui nah advise di shae. SDPO, Mangkolemba, Rishmo Philip Yanthan para election process taka time deh eku jamala olai shae koile tho, public keh report kuri b kui shae aro latera voting practices kan hobo nadi bo karne, hoshi rar taki b kui shae. Tai para Bharatiya Nyay Sanhita Act 2023, laka nutun provision b highlight kuri shae, kuto Indian Penal Code keh replace kuri shae. Tai para Bharatiya Nagrik Suraksha Sanhita Act 2023 b highlight kuri shae kuto Code of Criminal Procedure (crPC) aro Motor Vehicle Act keh replace kuri bo.Meeting deh alak alak wards laka representatives, candidates representatives, NGO representative aro Goan Buras kan speech di shae. Meeting tho aha town council election deh collaboration improve kuri bo karne kura ase. Event tho candidates, ward chairperson, Dobashis aro Goanburas kan para attend kuri shae.
Add Comment