Assam flood situation biya hoishey; ekta murishey, over 4 lakh affect huishey

Assam June 21: Thursday deh, Assam laga flood situation toh aro biya hoishey koina jani paishey, ekta manu murishey aro more than 4 lakh manukan affect huina ase 19 districts deh, ekta official bulletin para koishey. Daily flood report laga hisab para, Assam State Disaster Management Authority (ASDMA), ekta manu dubina murishey Khairabari area, Udalguri district deh. Etu logot, total manu kan etu saal laga flood aro landslides para mura toh 36 uthishey. As per bulletin, more than 4,09,300 manukan affect huina ase Bajali, Baksa, Barpeta, Biswanath, Cachar, Darrang, Goalpara,  Hailakandi, Hojai, Kamrup, Karimganj, Kokrajhar, Lakhimpur, Nagaon, Nalbari, Sonitpur, South Salmara, Tamulpur aro Udalguri districts. Karimganj sobse biya thakishey with over 2.5 lakh manukan affect huina, followed by Darrang (53,500)aro Tamulpur (23,000). Till Wednesday, almost 3 lakh manukan affect huishey aro state laga 17 districts pura deh affect huishey. Chief Minister Himanta Biswa Sarma para Tezpur laga reporters ke koishey ki, “Flood situation toh slightly alarming ase kiley koiley Brahmaputra laga bishi tributaries kan danger level para opor deh flow kuri ase. Bhaal kota toh etu ase ki itya taak toh Brahmaputra toh danger level para bishi toh cross kuranai.” Pani gira toh komti hoiley, situation toh under control hubo. Hoilibi, enaga incessant rain toh continue hoina jai thakiley, flood situation toh grim huijabo. Administration para operate kuri ase 105 relief camps kan ekta district deh, aro 14,215 manu kan toh shelter lubo parishey, aro 78 relief distribution centres kan toh ekta district deh chuli ase. Authority para distribute kurishey 2,010.35 quintals rice laga, 354.59 quintals dal, 134.36 quintals nimok aro 10,750.2 litres mustard oil laga among flood affected manukan logot, last 24 hours laga majot deh. ASDMA para koishey ki, at present 1,311 villages kan pani laga bitor deh ase aro 6,424.83 hectares laga crop areas kan across  Assam deh damage huishey.