June 22, 2024: Red Cross laka International Committee para shelling kuto taikan laka Gaza office keh damage kuri shae, etu deh 22 manu kan jokom kai shae kui shae. Israel aro powerful Iran-backed militant group Hezbollah majo deh fire exchange hui ase, Lebanese border deh aro etu situation aji khali aro bishi bia hui ase. Enaka hua tho war aro dangor hobo leh ase kui nah bui b utha shuru hui ase.
Friday din deh UN Secretary-General Antonio Guterres para cross border hostilities hua tho Lebanon keh aro alak Gaza bana bole nalageh kui shae. South phale aro ICRC para taikan laka Gaza office osor deh “heavy caliber projectiles” lokot deh shelling hui shae kui shae. Aro etu shelling hua piche deh 22 bodies aro 45 jokom kah manu keh ekta Red Cross Hospital deh lui jai shae kui shae.
“Humanitarian structures laka jaka osor deh firing hua tho civilians aro humanitarian keh risk deh dali ase,” ICRC para social media platform X deh kui shae. Hamas-run territory deh taka health ministry para Israel keh botnam di shae, shelling karne. Taikan para Al Mawasi jaka deh 25 manu muri jai shae kui shae aro 50 jun jokom kai shae kui shae.
Ekta Israeli Defense spokesman para etu incident deh role ase kui nah acknowledge tho kura nai hoile b review laka pitor deh ase kui shae.
Add Comment