June 22, 2024: Israeli aro Palestinian authorities kan para ekta Israeli operation deh kom seh kom tuita Palestinians muri jai shae kui shae. Etu operation tho occupied West Bank laka Qalqilya city deh hui shae, Friday din deh.
“Police forces kan para Qalqilya deh tuita wanted terrorist keh murai di shae,” Israeli authorities para AFP keh kui shae. Ekta joint statement deh, Israeli police, army aro Shin Bet security service para Israeli forces kan Palestinian Islamic Jihad militant group para tuita terrorist keh arrest kuri bole koshish kuri shae kui shae. Taijun deh ekjun tho utu jaka deh hamla kuri bole plan kuri taki shae kui shae.
“Arrest kura time deh, mukan laka forces keh fire kura shuru hui shae. Fire hua tho taikan keh wapas fire kuri shae aro terrorist keh neutralize kuri di shae,” Statement para kui shae. Taikan para Palestinians lokot deh handguns pai shae kui shae. Palestinian ministry of civil affairs para b tuijun manu mura laka report tho kuri shae.
Add Comment