Mizoram CM, Union Ministers logot log paishey

Mizoram, 22 June : Mizoram Chief Minister Lalduhoma para Union Health Minister JP Nadda logot log paishey kutey tai para itu Northeast State CM ke khobor dishey ki Mizoram laga lone medical college karney ekta Special Package laga first instalment julti release huwo.

Nadda para Lalduhoma ke kuisheh ki Special Package laga andar dey Zoram Medical College karney Rs 170 crores julti itu medical college laga development karney diwo.

Taikhan Mizoram laga Health Sector karney various developmental project khan discuss kurishey.

DoNER aro Comminications Minister laga Minister Jyotiraditya Scindia para Lalduhoma ke assure kurishey ki NEC para Mizoram state dey funds toh uthai diwo aro Externally Aided Project (EAP) para Mizoram karney pai thakia funds dey samna kuria difficulties dey sawoley assure kurishey.

Home Secretary Ajay Kumar Bhalla para Chief Minister ke khobor dishey ki Cyclone Remal laga ekta relief package nishna SDRF ke Rs 21.64 Crore laga amount issue kurina asey. Home Secretary para itu bhi janai disheh ki second instalment toh julti release kuribo.

National Security Adviser Ajit Doval logot itu meeting homoi, Indian Army laga andar dey Mizo Scout Battalion establish kuriboley ekta discussion luishey, aro neighbouring Myanmar laga political instability aro conflict bhi.

Parliamentary Affairs aro Minority Affairs Minister Kiren Rijiju para Lalduhoma ke assure kurishey ki PMJVK andar dey 65 projects complete kuribo.

Itu CM para Minister ke lone Lok Sabha MP Richard Vanlalhmangaiha ke ekta seat allot kuriboley request kurishey kuntu NDA nahuiley INDIA bhi nahoi.