42,000 Israeli maike kan gun permit karne apply kuri shae

June 22, 2024: Hamas laka October 7 hamla hua piche deh Israelis kan bishi insecure hui nah ase aro maike kan gun permits karne apply kura number tho bishi uthi nah ase. Alak side deh feminist kan paea etu move tho criticize kuri shae. Security ministry data laka isap deh, hamla hua piche deh 42,000 maike kan gun permits karne applyr kuri nah ase aro tateh para 18,000 keh approve kuri nah ase. Israeli right wing government aro taikan laka far-right minister Itamar Ben Gvir laka pitor deh gun laws tho norom hui jai shae aro etu karne gun permit laka application tho uthi nah ase. Itia tho 15,000 laka upor maike kan Israel deh ekta firearm dureh. Tateh para 10,000 kan tho mandatory training deh enroll hui nah ase, ministry laka isap deh. “Pundok kini bo kui nah kitia b mui papna kura nai, hoile b October 7 laka hamla hua piche deh, situation tho change hui jai shae,” political science professor Limor Gonen para AFP keh kui shae. “Mukan sob keh target kuri shae aro mui enaka aro experience kuri bo mun nai. Etu karne mui nijor keh defend kuri bole koshish kuri bo,” Gonen para kui shae. October 7 laka hamla, kuto war keh trigger kuri shae, etu para 1,194 manu keh murai di shae Israel deh. Tateh bishi wak tho civilians kana se, AFP tally based isap deh kuto Israeli official figures deh ase.