Olympic Day Run 2024 Loishey, IG Stadium Kohima Tey

June 23, 2024 : Itu Nagaland Olympic Association para, Olympic Day Run 2024 organise kurishey, itu Kohima laga, Indira Gandhi tey, June 23^rd, 2024 tey, itu “Let’s Move & Celebrate ” laga theme logotey. Secretary General, Nagaland Olympic (NOA) Association & Vice president, Athletics federation of India, Abu Metha para it prize Distribution Ceremony homoi tey, itu sob participant khan ke congratulate kurishey aru mention kurishey, ki, ‘apni toh hoiley million bacha khan ke join kuri asey, itu duinya pura tey, itu Olympic Day celebration toh observe kurishey. Apni toh hoiley yatey Nagaland tey he participate kuria ekla nahoi, hoilebi apni toh hoiley ambassador aru messenger hoi jaishey, sports laga, itu duiya pura laga”, tai para koishey. Abu para koishey judi ekta champion alag country para ulaishey koiley, apni khan majetey para bhi ulaboley pari asey, apni khan laga mehnat aru determination para. Tai para itu bacha khan ke encourage kurishey itu bacha khan ke, sapna dangor paboley karney, tai khan laga future career khan tey champion hoboley karney aru koishey, ki-ki bhi possible asey, judi apni khan mehnat kurishey koiley, dedication thaki kena. Tai para assure kurishey ki, NOA toh hoiley aru bhi event khan organise kuriboley asey, future tey, games aru sports khan promote kuriboley, eneka hoiley koiley sob manu toh hoiley Nagaland aru India ke represent kuriboley paribo, itu national aru international level tey, future tey.