Teenta Naga Youth Para Ekta Fine Art Collaboration Team Form Kurishey

June 23, 2024 : Teenta Naga youth kun khan toh : Bode Swüro 24, Longusie Nyuthe, 25 aru Neivito Vitsü 27, asey, sob bachelor degree bukha manu khan asey, tai khan toh hoiley Fine Arts (Sculpture aru painting tey specialisation opor tey) ekta team form kurishey, 3Atifs koi kena, itu 28^th August, 2023 tey, itu “Rendering Creativity” laga theme under tey. Itu 3Atifs laga asol purpose toh hoiley income generate kuriboley karney asey, self- sufficiency nimitey entrepreneur khan hisap tey aru itu same homoi tey, itu Naga youth khan ke encourage kuriboley, itu sculpture banawa laga field tey. Iteresting para, tai khan para share kurishey, kena idea ahishey ekta collaborative team shuru kuriboley, moi khan laga manu khan nimitey. Itu toh hoiley sob toh bhabana aha toh kitya tai khan share kuri thakishey aru kotha kuri thakishey, buhi kena cha khai thaka time tey. Itu talent thaka teen-jon sob bhi alag alag tribe para aru background para narrate kurishey ki, tai khan toh hoiley Kohima tey ahishey, November muhina tey, kotey tai khan ekta chutu rent share kuri thakishey, eke buhi kena, aru tai khan laga journey shuru kurishey, itu Hornbill nimitey. Itu 3Atifs para itu Art aru Culture Department, Government of Nagaland khan ke gratitude extend kurishey, tai khan ke welcome kuria nimitey, tai khan ekta stall khuliboley kuria time tey, Kohima laga Kisama tey, kuntu toh hoiley tai khan laga first exhibition thakishey, ekta team hisap tey.