June 29, 2024: Maldives environment minister Fathima Shamnaz Ali Saleem, tai allegedly, President Mohamed Muizzu laka upor deh ‘black magic’ perform kura karne arrest kuri di shae, local media para Thursday din deh report kuri shae.
Reports laka isap deh Shamnaz lokot deh, taila ex-husband Adam Rameez, kun President laka officer deh minister serve kuri ase aro alak tuijun keh arrest kuri di shae, witchcraft chua karne. Incident tho June 23 deh jani jai shae. Etu piche deh chartha accused hua manu kan keh custody deh lui shae, sath din karne. Wednesday din deh Shamnaz keh suspend kuri di shae kui shae local media house Sun para.
Chief police spokesperson, Assistant Commissioner of Police Ahmed Shifan para investigation tho kuri ase kui shae. Shamnaz, kun Maldives Environment Ministry laka website deh ekta political appointee ase kui nah list hui nah taki shae, tai itia tho list deh nai. Taila nam tho former political appointees laka list para hatai di shae. Shamnaz aro taila accused hua ex-husband tho puila deh Male City Council laka member taki shae, Muizzu lokot deh.
Maldives government aro President office, tuita b, etu case deh itia b official statements kan bana nai.
Add Comment